Travis Barker është dërguar me ambulancë në një spital lokal të Los Angeles-it të martën, pasi vuante nga një problem misterioz mjekësor.
Bateristi 46-vjeçar fillimisht mbërriti në spitalin “West Hills”. Por duket se problemi shëndetësor është aq serioz sa u transportua në Qendrën Mjekësore “Cedars Sinai”.
Në mëngjesin e së martës, bashkëshorti i Kourtney Kardashian shkruante në “Twitter”: Zot më ruaj”, ndërkohë fansat nuk kuptuan se pse ishte ky postim.
Disa orë më vonë, vajza 16-vjeçare e tij, Alabama, shkroi në historinë e saj në “Instagram: “Ju lutem dërgoni lutjet tuaja”, duke e shoqëruar me një emoji të trishtuar.
Të gjitha këto lënë të kuptohet se situata qenka mjaft serioze. Ndërkohë Kourtney është parë në çdo moment pranë Travis. Ajo mbante në kokë gjithmonë një kapuç të zi.
Discussion about this post