Kryetarja e LSI-së, Monika Kryemadhi, gjatë një takimi me shtabet e partisë që drejton në Tiranë në kuadër të protestës së 16 marsit, ka deklaruar se shumë shpejt vendi do të shkojë në zgjedhje të parakohshme, duke ju bërë thirrje qytetarëve që të marrin pjeesë në protestën e 16 marsit psi sipas ssaj, ajo do të jetë protesta më e madhe dhe më e bukur.
“Politika ka kusuret e saj, qoftë unë, apo Petriti….por jo të rinjtë, ne kusuret tona do i lajmë dhe do të përgjigjemi deri në fund. Zoti na dhëntë forcë, pasi shumë shpejt do të shkojmë në zgjedhje të parakohshme. Ejani në 16 mars para Kryeministrisë do të jetë protesta më e madhe dhe e bukur”.
Kryemadhi tha gjithashtu se opozita vendoi ti djegë mandatet pasi nuk ka asnjë gjykatë ku të ankohet për shkeljet dhe vjedhjet që janë bërë nga ana e qeverisë.
“Që i thonë jo kapjes, jo pengmarrjes, riktheu edhe njëher LSI-në e pakapur dhe principet që ne duhet të bënim kartarsis tonë. Të gjithë ata që nuk pranuan të jenë pjesë e parlamentit të krimit janë krenaria e Kryemadhit dhe LSI. Ne jemi të bindur që ju keni bërë veprimin e duhur, është veprim ekstrem. Për të gjithë ju që nuk besoni në principet në drejtësi, Ligji i Teatrit, Ligji I pronave, Ligji i Dividentit që vjedh miliona euro nga shqiptarët dhe pasuron oligarkët, heqja e së drejtës së fjalës për opozitën në Kuvend, e cila është e paligjshme. Më thoni në cilën gjykatë mund të ankohet opozita sot. Ka ngelur në këmbë vetëm Edi Rama, i cili është mëkëmbësi i krimit. Politika ka kusuret e saj dhe ne kusuret tona do t’i lajmë dhe do të përgjigjemi deri në fund për gabimet që kemi bërë. Do të dalim si të jetosh në shtëpi, si të kesh shtëpinë e palegalizuar do paguash vetëm taksë ujë pa e hapur asnjëherë ujë. Njerëzit u lodhën dhe u neveritën nga kjo qeveri. 16 marsi është shumë i rëndësishëm. Shqipëria është shtëpia jonë, Shqipëria është shtëpia e fëmijëve të shqiptarëve”, deklaroi Monika Kryemadhi.
(F.GJ/FAXWEB.AL)
