Zv.kryeministrja kërkesë Vangjush Dakos: Në Ujësjellësin e Durrësit janë lidhur kontrata pune gjatë fushatës, merr masa

Pas denoncimit të punësimeve jashtë kontrollit në Drejtorinë e Hekurudhave në Durrës, zëvendëskryeministrja Ledina Mandija vijon me një tjetër denoncim.

Mandija, në cilësinë e drejtuesit të Task-Forcës i është drejtuar sot Kryetarit të Bashkisë së Durrësit, Vangjush Dako të marrë masa të menjëhershme në lidhje me disa konstatime se, në shoqërinë Ujësjellës Kanalizime sh.a Durrës janë lidhur kontrata pune gjatë periudhës zgjedhore.

Sipas njoftimit të zëvendëskryeministres, në shoqërinë “Ujësjellës Kanalizime sha”, Durrës, janë punësuar disa  shtetas për periudhën 25.05.2017 deri në 13.06.2017 në kundërshtim me dispozitat  ligjore.

Mandija i ka kërkuar kryebashkiakut Dako të  marrë masat për të bërë verifikimet e duhura dhe nxjerrjen e përgjegjësive disiplinore të çdo nëpunësi si dhe ta informojë menjëherë për rezultatet e  gjetura dhe masat e marra. (D.D/Shuplaka)