Vatikani është një nga vendet që nuk e ka njohur ende pavarësinë e Kosovës. Zëvendëskryeministri, Enver Hoxhaj ka takuar të shtunën nuncin apostolik të Vatikanit për Kosovën, Monsinjor Jean-Marie, me të cilin kanë diskutuar për marrëdhëniet dy shteteve.
Me anë të një postimi në rrjetet sociale, Hoxhaj ka shkruar se Vatikani ka qenë gjithmonë mbështetës i madh i pavarësisë së Kosovës, ndërsa thekson se tani kur Kosova është në përmbyllje të shtetndërtimit, njohja nga Vatikani është e domosdoshme.
“Diskutim i shkëlqyeshëm me nuncin apostolik të Vatikanit për Kosovën, Monsinjor Jean-Marie. Vatikani është mbështetës i madh i pavarësisë së Kosovës, ndërsa tani kur jemi në përmbyllje të shtetndërtimit njohja nga Selia e Shenjtë është e domosdoshme”,ka shkruar Hoxhaj.
(F.GJ/FAXWEB.AL)
