Zv.Ministri i Mjedisit Kledi Xhaxhiu ka qenë sot në Malin e Derjes në Tiranë, për të parë nga afër situatën pas zjarrit që la të plagosur nënoficerin e batalionit special Skënder Hidri.
Në momentin kur arriti në vendgjarje, Xhaxhi pa se grupit të punonjësve të angazhuar për shuarjen e flakëve, u ishin bashkuar edhe pjesëtar të komunitetit, banorë të Shën Gjergjit.
Kujtojmë se zjarri në Malin e Derjes, kishte ardhur si pasojë e një shkëndije elektrike, dëmtim i telave elektrik. Zjarri vjen nga lart, duke zbritur poshtë. Janë masive të tëra ahu dhe pishe që rrezikojnë të digjen.
“Gjatë stinës së verës, temperaturat e larta, pakujdesia e njerëzve, por dhe zjarre të qëllimshme kanë bërë që masive të tëra pyjore të Zonave të Mbrojtura të rrezikohen nga djegia. Vetëm gjatë muajit korrik dhe gjatë javës së parë të këtij muaji numërohen mbi 40 raste zjarresh”, tha zëvendëministri i Mjedisit Kledi Xhaxhiu.
Zjarri në Malin e Derjes pjesë e Parkut Kombëtar të Dajtit u fik fundjavën e kaluar dhe është aktivizuar sërish këtë fundjavë, Brenda 20 ditësh vetëm ky zjarr është fikur dhe riaktivizuar 4 herë.
“Ministria e Mjedisit i bënë thirrje Komunitetit dhe Vizitorëve të Zonave të Mbrojtura të bëjnë kujdes në këtë stinë të nxehtë vere, pasi një paskujdesi e vogël, një zjarrvënie e qëllimshme për të përfituar kullota mund të shkaktojë dëme të pallogaritshme. Nëse hetimet konkludojnë në zjarrvënie të qëllimshme sipas Kodit Penal dënimi është me gjobë ose me burgim deri në pesë vjet. Nëse nga vepra penale shkaktohen pasoja të rënda materiale, dënimet me burgim mund të arrijnë deri në dhjetë vjet”, tha Xhaxhiu më tej.
Xhaxhiu tha se trungjet e Ahut të shkrumbuara nga flakët, nuk mund të rigjenerohen më, por mund të përdoren vetëm si dru zjarri. Ndërkohë që për ta kthyer në gjendjen e mëparshme duhet ripyllëzim dhe mbi 30 vite që të kthehet në gjendjen e mëparshme. (D.D/Shuplaka)
[ngg_images source=”galleries” container_ids=”2599″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post