Tabloidi britanik ”Daily Mail” ka botuar brënda ditës tre shkrime për fëmijët e pashoqëruar shqiptarë që kërkojnë azil në Britani. Fotot e të rinjëve bënë gjithashtu xhiro në mediat brënda vendit. Ndërkohë që për të përditshmen britanike është prononcuar dhe zv-Ministrja e Brendshme shqiptare, ku sipas saj këta fëmijë nuk janë trafikuar kundër vullnetit të tyre në Britani, por shumica dërgohen nga prindërit dhe të afërmit e tyre deri në mes të rrugës dhe e bëjnë një gjë të tillë për arsye ekonomike.
Duke e cilësuar Krumën si “lagje të Londrës”, tabloidi britanik me një qëndrim të njohur anti-emigracion, citon zëvendës-ministren e Brendshme shqiptare Rovena Voda, t’i ketë thënë Daily Mail se “ndryshe nga Gjermania, Franca apo Holanda, është qëndrimi i butë i Britanisë që nuk kthen të rinjtë e pashoqëruar që u është refuzuara azili, duke u shndërruar në vend akoma me atraktiv për të rinjtë shqiptar.” Sipas Rovena Vodës që e citon Daily Mail e Londrës, kërkesat e të rinjve që kërkojnë azil për gjakmarrje janë të rreme.
Sipas zyrtares së lartë shqiptare, media sociale është një problem për shkak të imazhit fals që portretizon jetën në Britani. Fëmijët e pashoqëruar shqiptarë vitin e kaluar ishin të dytë për nga numri, pas atyre nga Siria që kërkonin azil në Britani. (M.Q/Faxweb))
Discussion about this post