Një shqiptar me orgjinë kosovare është arratisur nga burgu në Zvicës. Pas kësaj ka nisur një operacion i madh kërkimi për shqiptarin e dënuar për vrasje, i konsideruar me rrezikshmëri të lartë, i cili është arratisur nga burgu.
Sipas mediave ndërkombëtare bëhet fjalë për shqiptarin nga Kosova me emrin Bashkim L., 35 vjeç, i cili është arratisur gjatë natës mes së premtes dhe të shtunës së javës së kaluar nga burgu qendror i Friburgut në Zvicër.
Policia e Friburgut ka bërë të ditur lajmin sot dhe ka kërkuar nga qytetarët që të japin informacione nëse e shikojnë të arratisurin. Sipas policisë, dyshimet janë që ai të jetë larguar nga Zvicra dhe të ketë mbërritur në Kosovë.
Bashkim L. ishte dënuar në vitin 2013 për vrasjen e një shqiptari nga Kosova, por që jetonte në Itali, pas përplasjeve për kontrollin e territoreve të shitjes së drogës. Policia zvicerane e ka shpallur në kërkim ndërkombëtar shqiptarin nga Kosova.
(E.K/SHUPLAKA)
Discussion about this post