Zv/presidenti Joe Biden, Donald Trump-it: Rritu, është koha të bësh diçka

Zëvendëspresidenti amerikan Joe Biden është shprehur se Presidenti i ri amerikan Donald Trump duhet të rritet.

“Rritu Donald Trump, është koha të rritesh. Je president, është koha të bësh diçka.”, u shpreh Biden i pyetur se çfarë mendonte për deklaratat sulmuese të Trump në “Twitter”.

Këtë deklaratë ai e bëri teksa gjykoi si të paarsyeshme mungesën e besimit të Trump ndaj Inteligjencës amerikane. Ai kritikoi sulmet e manjatit ndaj Komunitetit të Inteligjencës.

“Për një president që të mos ketë besim dhe të mos dëgjojë agjencitë e panumërta të Inteligjencës, nisur nga inteligjenca e mbrojtjes të CIA-s është absolutisht e pamend”, tha ai në një intervistë për PBS.  (XH.A/SHUPLAKA)