Ata vazhdojnë të mbajnë pozita të larta nëpër institucione të shtetit edhe pse ndaj tyre prokuroria ka ngritur akuza për korrupsion. Bëhet fjalë për Naser Osmanin, Sokol Bashoton, Agim Bahtirit, Ethem Arifin por edhe për shumë zyrtarë të tjerë të lartë të partive politike dhe të institucioneve në Kosovë.
Prokuroria ka ngritur 297 aktakuza për “Korrupsion”, 859 persona janë dënuar për këtë qëllim, si dhe ndaj 353 personave janë duke u zhvilluar hetimet apo ka aktvendim për fillim të hetimeve, shkruan gazeta ekspress.
I akuzuari për “Korrupsion”, kryetar i Komisionit për Buxhet
Naser Osmani, aktualisht është kryetar i Komisionit për Buxhet dhe Financave në Kuvendin e Kosovës. Ky mban këtë pozitë të rëndësishme ndonëse ai edhe disa persona të tjerë, në kohën sa Osmani ka qenë anëtar i Bordit të Agjencinë Kosovare të Privatizimit (AKP), akuzohen për shpërdorim të detyrës zyrtare. Prokuroria akuzon Osmanin dhe personat e tjerë se duke shfrytëzuar detyrën zyrtare në Agjencinë Kosovare të Privatizimit nuk e kanë përmbushur këtë detyrë duke ia mundësuar përfitimin e kundërligjshëm pasuror vetes ose tjetrit, përkatësisht blerësit të ndërmarrjes së re “FAN-Podujevë”, të pandehurit A.D në vlerën rreth 5.4 milionë euro. Sipas aktakuzës, blerësi i kësaj fabrike sipas kontratës me AKP-në duhej të bënte investime në të, por një gjë të tillë nuk e ka bërë pasi që, sipas Prokurorisë, Osmani së bashku me një anëtar tjetër të AKP-së kanë vendosur dhe kanë votuar “për” që investimet e bëra jashtë hapësirave të ndërmarrjes të pranohen si investime brenda saj, duke liruar ndërmarrjen e re “FAN-Podujevë” nga monitorimi i AKP-së dhe kushtet e Marrëveshjes së Zotimeve. (J.V/Shuplaka)
Discussion about this post