Zyrtare, Flamurtari largon tre mbrojtësa

Flamurtari ka zyrtarizuar ditën e sotme, largimin e radhës nga ekipi. Kuqezinjtë kanë shkëputur kontratën me mbrojtësin Kristi Marku. 

Klubi vlonjat njoftoi përmes faqes zyrtare shkëputjen e kontratës me konsensus me 21-vjeçarin nga Durrësi. 

Ditën e djeshme Flamurtari zyrtarizoi edhe dy largime të tjera, futbollistët Nertil Hoxha dhe Slavko Lukiç, që shkon në tre numri i mbrojtësve të larguar. 

Marku ju bashkua sezonin e kaluar klubit vlonjat, por nuk pati shumë hapësirë për tu aktivizuar për shkak dhe të konkurencës në fazën mbrojtëse. Në dy vite në Vlorë ka luajtur vetëm 14 ndeshje.