Zyrtare: Ramiz Lladrovci, kryetari i ri i komunës së Drenasit

Ramiz Lladrovci është kryetari i ri i komunës së Drenasit. 

Rezultatet e deritanishme në portalin zyrtar të Komisionit Qendror të Zgjedhjeve, nga 70 qendra të votimit të numëruara nga gjithsej 72 tregojnë se Ramiz Lladrovci ka marrë 13.797 vota ose 63,05% ndërsa kundërkandidati i tij nga Nisma për Kosovën, Isa Xhemajlaj ka arritur të marrë 8.084 vota ose 36,95 %, raporton Klan Kosova.

Balotazhi në komunën e Drenasit erdhi pas rezultatit të zgjedhjeve të jashtëzakonshme të mbajtura më 4 dhjetor ku kandidati Ramiz Lladrovci pati marrë 45,3 % ose 9.458 vota ndërsa Isa Xhemajlaj 26,19 % ose 5642 vota.

Më herët, Ramiz Lladrovci ka mbajtur postin e ambasadorit të Kosovës në Tiranë. (A.R/SHUPLAKA)