Ditën e djeshme kryetarja e Bashkisë së Shkodrës Voltana Ademi, teksa ishte duke folur për krimin në qytetin ku ajo drejton tha se kishte hasur dhe në raste përdhunimesh në nivele të larta të drejtueseve.
“Pushteti në Shkodër është nën presion e krimit, ka 4 vite, ka edhe zyrtarë të lartë të shtetit që janë përdhunuar nga ana e përfaqësuesve të krimit”, u shpreh dje Ademi, po nuk preferoi që të jepte më shumë detaje rreth kësaj.
Kjo deklaratë e fortë e Ademit ka hasur në reagimin e gazetarit Edmond Arizaj, i cili thotë se në Shkodër duhet të hapet një spital psikiatrik, ku kryebashkiakja të jetë pacientja e parë.
“Duke lexuar se c’paska thene kryetarja e Bashkise Shkoder, mendova: Pse te mos kete edhe aty nje spital psiqatrik, mos ta kene kete privilegj vec Elbasani dhe Vlora, dhe zonja te behet pacientja e pare…Besoj me pas do kete kohe te reflektoje, se si mendohet fillimisht per familjet e atyre qe i quan te perdhunuara, apo si veprohet nese ke informacione qe ka pasur perdhunime…
Nuk e di cfare guximi, apo mungese logjike duhet te kete nje grua, nene, politikane, apo kryeqytetare, te deklaroje pa asnje dridhje qerpikesh se jane perdhunuar gra, drejtoresha ne kete rast, dhe nje qytet i tere, bashke me kryetaren e tyre jane memece prej kaq kohesh…”, shkruan Arizaj në rrjetin e tij social Facebook.
(E.K/FAXWEB.AL)
Discussion about this post