Xhuljo Tabaku do të vazhdojë të jetë pjesë e Vorës. Kapiteni nuk e ka menduar në asnjë moment largimin, teksa ditën e sotme klubi i Superiores ka zyrtarizuar rinovimin e kontratës me Tabakun.
“Fk Vora njofton se ka arritur marrëveshjen me kapitenin Xhuljo Tabaku për të rinovuar kontratën. Mesfushori nga Tirana, ka firmosur sot kontratën e re, duke zgjatur në këtë mënyrë bashkëpunimin”, shkruan klubi në rrjetet sociale.
Kujtojmë se mesfushori 30-vjeçar ka qenë një nga protagonistët kryesorë në shpalljen kampionë të Kategorisë së Parë. Në 32 ndeshje, Tabaku ia doli që të shënonte 3 gola.
