Kryebashkiaku i Lezhës Fran Frrokaj është arrestuar sot nga ana e Policisë për shpërdorim detyre.
Kreu i bashkisë Lezhë, akuzohet për ‘Tjetërsim pronash’, ndërsa së bashku me të pritet arrestimi dhe i 23 zyrtarëve të tjerë. Gjykata ka vendosur masën e arrestit me burg për Frrokajn dhe zyrtarët e tjerë është vendosur në mungesë.
Emrat e personave të arrestuar:
Fran Frrokaj – Kryetar i Bashkisë Lezhë
Enver Hafizi – Nënkryetar i Bashkisë Lezhë
Gjelina Bacaj – Drejtore e Hipotekës
Eduard Lekaj – Jurist te Hipoteka
Armando Dakaj – Jurist te Hipoteka
Fran Frrokaj është kryetar i Bashkisë së Lezhës me Partinë Demokratike i zgjedhur në vitin 2015.
Në raportin e KLSH-së thuhet se: Gjatë 14 auditeve të kryera konstatohet se disa nga pronat që i kanë kaluar në pronësi Bashkisë Lezhë me VKM nr. 414, datë 11.7.2007 ”Për miratimin e listës përfundimtare të pronave të paluajtshme publike, shtetërore, që transferohen, në pronësi ose në përdorim, të Bashkisë Lezhë të Qarkut të Lezhës”, janë zënë nga të tretët dhe nga ana e Bashkisë nuk janë marrë masa për lidhjen e kontratave të qirave apo lirimin e tyre, veprime këto në kundërshtim me VKM apo të Këshillit të Bashkisë.
Skema e tjetërsimit të pronave në Lezhë funksiononte njësoj si ajo në Spille. Toka ranishte i kalohej në pronësi banorëve të zonës përmes falsifikimit dhe më pas i shitej menjëherë biznesmenëve që planifikonin të ndërtonin aty hotele apo godina të ndryshme.
(E.K/FAXWEB)
