Zyrtarë të lartë të imigracionit në SHBA gjatë fundjavës dhanë udhëzime tek oficerët që të rrisin numrin e arrestimeve të njerëzve që i quanin “kolateralë”, sipas emaileve të brendshme të agjencisë të para nga The Guardian.
Oficerëve iu bë thirrje gjithashtu të rrisnin arrestimet dhe të mendonin taktika, thuhej në një email, me stafin që u inkurajua të gjente mënyra të reja për të rritur arrestimet dhe t’ua sugjeronte ato eprorëve.
Udhëzimet jo vetëm që shënojnë një ashpërsim të mëtejshëm të qëndrimit dhe gjuhës nga administrata Trump në përpjekjet e saj për të përmbushur premtimet zgjedhore për “deportim masiv”, por gjithashtu tregojnë një përshkallëzim tjetër të përpjekjeve, duke qenë në vëzhgim të personave pa dokumente që zyrtarët mund t’i hasin rastësisht të quajtur këtu “kolateralë”.
Emailet, të dërguara nga dy zyrtarë të lartë të Imigracionit dhe Doganave (ICE) të shtunën e kaluar, u dhanë udhëzime oficerëve në të gjithë vendin që të rrisnin numrin e arrestimeve gjatë fundjavës.
Kjo pasoi urdhrin e sekretares së Departamentit të Sigurisë Kombëtare, Kristi Noem, dhe zëvendësshefit të stafit të Shtëpisë së Bardhë, Stephen Miller, të cilët muajin e kaluar ushtruan presion mbi zyrtarët e imigracionit për të rritur arrestimet që lidhen me imigracionin në të paktën 3,000 persona në ditë.
Një nga email-et, i shkruar nga Marcos Charles, drejtori ekzekutiv në detyrë i operacioneve të zbatimit të ligjit dhe largimit të Ice, u jep udhëzime zyrtarëve të Ice që të ndjekin njerëzit që mund të hasin rastësisht.
