Zëvendësndihmës Sekretari i Shtetit për çështjet europiane dhe euro-aziatike, Hoyt Brian Yee, ka kërkuar që shteti i Kosovës dhe ai i Malit të Zi të punojnë për të mbyllur sa më shpejt çështjen e kufirit.
Lajmi bëhet i ditur në komunikatat e qeverisë së Kosovës për bisedimet telefonike mes zyrtarit amerikan dhe kryeministrit Isa Mustafa.
“Kryeministri Isa Mustafa dhe zëvendës ndihmës sekretari amerikan, Hoyt Yee, kanë biseduar edhe për procesin e ratifikimit nga Parlamenti i Kosovës të Marrëveshjes për shënimin e kufirit me Malin e Zi dhe nevojën që kjo marrëveshje të ratifikohet sa më shpejtë, si konfirmim i rrugës evropiane të Kosovës”, përcjell gazeta “Express”.
Qeveria kosovare ka paralajmëruar dërgimin e kësaj marrëveshje këtë muaj në parlament, ndërkohë që mbetet ende sfidë sigurimi i votave të mjaftueshme, ku kërkohen dy të tretat e votave të të gjithë deputetëve.
(XH.A/SHUPLAKA)
Discussion about this post