Britania mbështet pavarësinë e Gjykatës Ndërkombëtare Penale (GJNPJ) dhe nuk planifikon të sanksionojë zyrtarët, tha të premten përmes Reuters një zëdhënës i kryeministrit britanik, Keir Starmer.
Zëdhënësi u pyet në lidhje me GJNPJ-në pasi Presidenti i Shteteve të Bashkuara Trump autorizoi sanksione ekonomike dhe udhëtimi kundër punonjësve të Gjykatës që hetonin shtetasit amerikanë ose aleatët e SHBA si Izraeli .
“Në fund të fundit, kjo është një çështje e SHBA-së, thotë zëdhënësi.
“Sa i përket Britanisë së Madhe, ne mbështesim pavarësinë e GJNPJ. Prandaj, ne nuk kemi plane për të sanksionuar zyrtarë individualë të gjykatës.”
Zëdhënësi shton se “Mbretëria e Bashkuar dhe SHBA-ja mbi një sërë administratash kanë pasur një pikëpamje të ndryshme për GNPJ”, duke theksuar se Britania e Madhe është nënshkruese e statutit të Romës, i cili themeloi GJNPJ-në, ndërsa SHBA-ja jo.
Dje, presidenti republikan i SHBA-ve nënshkroi një urdhër ekzekutiv për vendosjen e sanksioneve ndaj GJNP-së, të cilën ai e akuzoi për “veprime të paligjshme dhe të pabaza kundër Amerikës dhe aleatit tonë të ngushtë, Izraelit”.
Si pjesë e këtyre sanksioneve, zyrtarëve të lartë të GJNP-së dhe punonjësve të tjerë u ndalohet hyrja në Shtetet e Bashkuara, si dhe të afërmve të tyre të ngushtë dhe kujtdo që mendohet se ka bashkëpunuar me hetimet e Gjykatës, ndërsa pasuritë e tyre në Shtetet e Bashkuara janë gjithashtu të ngrira.
Nga ana e tij, ministri i Jashtëm izraelit Gideon Sha’ar ” përgëzoi ” Trump për vendimin e tij.
“Ne u bëjmë thirrje 125 vendeve anëtare, shoqërisë civile dhe të gjitha shteteve të botës që të bashkohen në mbështetje të drejtësisë dhe të drejtave themelore të njeriut,” përfundoi ICC .
Discussion about this post