Pas akuzave të Partisë Demokratike se, kryetari i Bashkisë së Tiranës ka uhdëtuar drejt Parisit me një avion charter, udhëtim që ka kushtuar rreth 70 mijë euro, portali Lapsi.al publikon dokumente zyrtare që tregojnë se kush ka qenë vërtetë në avionin privat.
Sipas dokumenteve, një avion charter u nis pak minuta pas orës 10:00 të datës 16 janar 2017 nga Rinasi me destinacion Parisin.
Në orën 10:00 në dalje regjistrohet nënkryetari i Bashkisë së Tiranës, Arbjan Mazniku, si person që do të udhëtonte me charter. Menjëherë pas tij, në orën 10:01 kalon për të udhëtuar po me charter biznesmeni Alban Dabulla, djali i deputetes së PS-së Arta Dade.
Një minutë më pas, po për t’u ngjitur në charter në Rinas kalon biznesmeni Artan Sheqeri, siç vërtetohet nga regjistri i policisë së Rinasit i siguruar nga lapsi.al.
Partia Demokratike pretendon se me të njëjtin avion ka udhëtuar edhe kryetari i Bashkisë së Tiranës, Erion Veliaj. Charteri, sipas selisë blu, është paguar nga biznesmeni Sheqeri.
Po sipas PD-së, udhëtim i dyshimtë ka lidhje me detyrën e Veliajt dhe interesat e biznesmenit me ndërtimet në Tiranë dhe me biznesin e plehrave.
Bashkia i mohoi akuzat duke publikuar axhendën e kryebashkiakut dhe dy bileta të datës 17 janar, të orës 11:15 me destinacion Milanon, me një linjë Low-Cost. (A.R/SHUPLAKA)
[ngg_images source=”galleries” container_ids=”852″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post