Zyrtari i Bundestagut gjerman Tobias Gottardt ka zhvilluar gjatë ditës së sotme një takim në kryesinë e Kuvendit me deputetët shqiptarë. Gottardt tha në një deklaratë për mediat se është njohur me ecuritë e reformave të ndërmarra nga qeveria si dhe deklaroi mbështetjen e Gjermanisë për integrimin e Shqipërisë në BE.
“U njoha me ecurinë e reformave që janë ndërmarrë. Shqipëria ka përparuar me reformën në drejtës. Jam këtu për të mbështetur Shqipërinë drejt integrimit në BE. Kjo është një situatë me fitore për të dyja anët, për BE-në dhe Shqipërinë. Nuk ka rëndësi se nga çfarë vendi vijmë dhe punojmë, mesazheve të të gjitha vështirësive dhe rreziqeve duhet t’u qasemi duke punuar bashkë”, deklaroi Gottardt.
Duke folur për situatën politike në vend, zyrtari gjerman bëri thirrje për dialog mes palëvedukë argumentuar se ata që e duan demokracinë janë pro dialogut.
“Ju bëj thirrje partive politike për dialog. Ata që duan demokracinë janë pro dialogut”.
Ndërkohë nga ana tjetër, deputetja e Partisë Socialiste, Mimi Kodheli tha se mazhoranca është gati ti shtrijë dorën opozitës për dialog.
“Jemi gati ti shtrijmë dorën opozitës dhe ti themi pro dialogut por pa cënuar procesin e integrimit të vendit. Keqardhje që opozita nuk ishte në këtë takim”, deklaroi Kodheli.
