Xhon Nikson, hetuesi i CIA-së, që morri në pyetje Sadam Huseinin thotë se ai nuk ishte më nën qeverisjen e vendit. Prej kohësh sipas tij ish-presidenti iraken merrej me shkrimin e romaneve.
Në deklaratën e publikuar nga Nju Jork Daily News, Nikson thotë se ai nuk e kishte të qartë situatën në rajon në ato kohë. Këto përshtypje hetuesi amerikan i ka bërë të njohur në librin e tij ‘’Marrja në pyetje e Saddam Hussein’’, i cili pritet të dalë në shitje shumë shpejt, në datën 27 dhjetor.
Ishte pikërisht Nikson që identifikoi Sadam Husein nga shenjat dhe tatuazhet pasi ushtarët amerikanë zbuluan se ku fshihej. Autori i librit, këmbëngul se Hussein nuk planifikonte të sulmonte vendet fqinjë apo ato perëndimore. Madje Sadam mohonte kategorikisht se kishte bërë plane kundër presidentit amerikan Xhorxh Bush.
Saddam Hussein u rrëzua nga pushteti në prill të 2003-shit, pas pushtimit të forcave së koalicionit të drejtuara nga Shtetet e Bashkuara të Amerikës dhe Mbretëria e Bashkuar.
Gjykata e lartë në Irak e akuzoi për vrasjen e 148 banorëve të fshatit Al-Dujail në 1982-shin. Ish lideri u shpall fajtor, u dënua me vdekje dhe u ekzekutua në dhjetor të 2006-ës. (E.K/SHUPLAKA)
