Zyrtari i OSBE-se, Thomas Greminger është përgjigjur letrës së Aleancës së Mbrojtejes së Teatrit.
Përmes një tjetër letre, Greminger deklaron se nisur nga zhvillimet e djeshme me lëvizjen e Metës “për një ligj të posaçëm për ndërtimin e ndërtesës së re të Teatrit Kombëtar, të gjitha palët duhet të presin vendimin e Gjykatës së Lartë para se të vazhdojnë më tutje kjo çështje.”
Ndër të tjera në letrën e tij, zyrtari i OSBE-së shpreh keqardhjen për mosprezencën në takim për shkak të një agjende të ngjeshur.
Kujtojmë se në letrën e saj drejtuar sekretarit të përgjithshëm të OSBE-së,Thomas Greminger, Aleanca shkruante se çështja e teatrit është mishërim i krizës politike në Shqipëri, ndërsa theksonte se “reforma në drejtësi” i ka dhënë mundësi qeverisë të pushtojë çdo pushtet vendimmarrës në vend.
Letra e Plotë:
Të nderuar Aleanca për Mbrojtjen e Teatrit,
Kam marrë me kënaqësi ftesën tuaj, pasi ajo tregon konsideratë për Organizatën që unë përfaqësoj. Megjithatë, për fat të keq, për shkak të një vizite të shkurtër dhe një axhende të ngushtë, nuk isha në gjendje t’i përgjigjesha pozitivisht.
Duke pasur parasysh zhvillimin e djeshëm, përkatësisht Presidentin e Republikës, duke paraqitur kërkesë në Gjykatën Kushtetuese në lidhje me ligjin e posaçëm për ndërtimin e ndërtesës së re të Teatrit Kombëtar, të gjitha palët duhet të presin vendimin e Gjykatës së Lartë para se të vazhdojnë më tutje kjo çështje.
Përshëndetje më të përzemërta,
Thomas Greminger
