I ngarkuari i posaçëm i SHBA-së për Ballkanin Perëndimor, Matthew Palmer, deklaroi ditën e sotme se prioritet i SHBA-së mbetet normalizimi i marrëdhënieve Kosovë-Serbi.
Palmer ka folur edhe për liderin e Vetëvendosjes, Albin Kurti, me të cilin nuk është takuar sot
Palmer duke folur për Kurtin ka thënë se pritjet e SHBA-së për të si kryeministër janë se ai të jetë një partner i mirë.
“Kurti kryeministër, pritjet tona janë që ai të jetë një partner i mirë. Njihemi shumë gjatë, Kurtin e kam takuar në Shkup dy ditë më parë”, tha ai.
Sa i përket dialogut, Palmer thotë se Albin Kurti duhet të integrojë mendimin e tij për dialogun.
“Kurti duhet të integrojë në të menduarit e tij se dialogu është i rëndësishëm edhe për SHBA-në”, shton ai.
Gjithashtu, Palmer ka folur edhe për bisedimet Kosovë-Serbi ku ka potencuar se përparimi në dialog hap mundësi të reja.
Palmer tha se shteti serb duhet të ndalojë fushatën për tërheqjen e njohjes së shtetit të Kosovës.
