Prej disa kohësh është folur në lidhje mer zgjedhjet që do të zhvillohen për kreun e FSHF-së.
Komiteti Ekzekutiv i FSHF-së ka bërë publike datën se kur do të mbahen kërp zgjedhje.
Përmes një njoftimi për shtyp është vendosur se Asambleja Zgjedhore do të zhvillohet më datë 7 shkurt në hotel “Adriatik” në Durrës.
“Komiteti Ekzekutiv i FSHF-së, sikundër edhe është njoftuar ka përcaktuar datën 07.02.2018 si ditën e zhvillimit të punimeve të Asamblesë Zgjedhore të futbollit shqiptar.
Kjo Asamble këtë radhë përvec pikave të rendit të ditës do të zgjedhë edhe organet e reja drejtuese të FSHF për 4 vitet e ardhëshme.
Punimet e Asamblesë do të zhvillohen në hotel “Adriatik” në Durrës. Anëtarët e Komitetit përcaktuan dhe miratuan edhe rendin e ditës së punimeve të Asamblesë”, thuhet në njoftimin e FSHF-së.
Ajo që mbetet në pikëpyetje janë kandidatët, teksa nuk është rikonfirmuar nëse Bashkim Fino do të vendoset përballë Armando Dukës.
(E.K/FAXWEB)
