Vetëm pak orë më parë u njoftua se Partizani dhe Skënder Gega kanë vendosur të ndërpresin bashkëpunimin. Ky ishte një lajm tepër befasues pasi Gega kishte deklaruar së fundmi se, ndihet mjaft mirë me ekipin dhe se do të vijonte të bënte punën e tij në drejtimin e skuadrës kryeqytetase.
Ndërkohë ka ardhur edhe reagimi zyrtar i klubit duke e konfirmuar këtë lajm, si dhe falenderon trajnerin për punën e bërë në arritjen e fitimit të titullit Kampion i Shqipërisë.
Klubi sqaron se, Gega është larguar për arsyet e tij personale duke vendosur të ndërpresë me mirkuptim kontratën mes dy palëve, për të mos vijuar të jetë në drejtimin e ekipit edhe në sezonin e ardhshëm.
“Presidenti Gazment Demi dhe Drejtori Olsi Rama dëshirojnë të falënderojnë trajnerin Skënder Gega, i cili pas suksesit si lojtar, arriti ti dhuroj klubit një tjetër trofe kampioni edhe si trajner i Partizanit”, shkruhet në njoftim ndërkohë që nuk dihet ende se kush do të jetë pasuesi i tij .
NJOFTIM PËR MEDIAT
Klubi i Futbollit Partizani falenderon trajnerin Skënder Gega për arritjen e fitimit të titullit të 16 Kampion të Shqipërisë, i cili u rikthye në shtëpi pas 26 vitesh. Trajneri Gega ka një meritë të padiskutueshme në arritjen e këtij suksesi fantastik. Falë kontributit, punës, sakrificës, përkushtimit dhe disiplinës, Gega arriti të krijonte një grup triumfues, duke fituar respektin e lojtarëve, stafit drejtuesve dhe tifozëve të shumtë të Partizanit.
Klubi saktëson se për arsyet e tij personale, trajneri Gega ka vendosur të ndërpresë me mirkuptim kontratën mes dy palëve, për të mos vijuar të jetë në drejtimin e ekipit edhe në sezonin e ardhshëm. Presidenti Gazment Demi dhe Drejtori Olsi Rama dëshirojnë të falënderojnë trajnerin Skënder Gega, i cili pas suksesit si lojtar, arriti ti dhuroj klubit një tjetër trofe kampioni edhe si trajner i Partizanit. Klubi falënderon trajnerin Skënder Gega për emocionet dhe performancën e shkëlqyer që ekipi rregjistroi në drejtim e tij.
(F.GJ/FAXWEB.AL)
Discussion about this post