Aktivisti dhe pedagogu i njohur Ervin Goci, ka bërë një deklaratë të fortë lidhur me ndërtimet pa kriter në Tiranë, duke thënë se është zyrtarizuar projekti i Kullave të Garda e Republikës, tek pjesa e poshtme e Liqenit.
Sipas tij, kanë nisur piketimet për zgjerimin e rrugës duke argumentuar se kjo i paraprin ndërtimit të kullave në këtë zonë.
“Paraprakisht duhet të dini që përveç godinave të shërbimit përbri Universitetit Politeknik, tek e gjithë sipërfaqja ku rrin sot Garda, do betonizohet me Kulla. Ajo që dihet me siguri, është se nuk do ketë më pak se 3, por flitet dhe deri në 8”, shkruan Goci në rrjetet sociale.
Duke qenë se Goci është një nga personat më aktiv që kanë kundërshtuar ndërtimet brenda Parkut të Liqenit dhe zonës përreth tij, ajo çfarë tërheq më së shumti vëmendjen janë deklaratat e përafërta me ato që u postuan gjatë ditës së sotme në profilin e Artan Shkrelit, zv.ministër i Energjisë dhe Infrastrukturës.
Në një status në facebook në profilin e tij në të cilin ngrihej alarmi për zonat e gjelbërta që po i ikin kryeqytetit si pasojë e ndërtimeve shumë-katëshe në disa prej zonave më të frekuentura dhe sensitive pëer qytetarët (lexo këtu). Një status që më vonë Shkreli deklaroi se nuk ishte hedhur nga ai pasi llogaria e tij ishte hakeruar.
Postimi i plotë i Ervin Gocit:
Zyrtarizohet projekti i Kullave te Garda e Republikes, e gjitha pjesa e poshtme Parkut te Liqenit, nderkohe qe ju shqetesoheshit per shendetin e kryeministrit. Kete nuk do ta degjoni deri ne zgjedhje, kurdo qe te behen..thjesht po zgjerojne rrugen per t’a patur gati. Paraprakisht duhet te dini qe perveç godinave te sherbimit perbri Universitetit Politeknik, tek e gjithe siperfaqja ku rrin sot Garda, do betonizohet me Kulla. Ajo qe dihet me siguri, eshte se nuk do kete me pak se 3, por flitet dhe deri ne 8. Pyetja qe duhet te shtrojme te gjithe eshte a do ta lejojme?Te tjerat jane lloqe. Nderkohe qe opozita lengon ne kontradikten qe ka prodhuar vete, nga nje ane denoncon blerjen e votes, nga krahu tjeter nuk pengon burimin e blerjes se votes qe jane Kullat, te cilat pastrojne parate e droges. Opozita duhet ta ndaje mendjen, ose te luftoje sistemin e kalbur ne teresi, ose te vazhdoje cirkun, ose te ndaloje burimin e fuqizimit te Rames, ose te prese rradhen se mos merr ne pushtet ne tavoline.
Me se dhe si do t’ja marre pushtetin, kur Kryeministri e shpalli pasuesin e vet, i cili ther djalte se do vazhdoje vepren e Babait shpirteror deri ne vdekje?!
Vendimet merren tani, neser eshte shume vone.
(F.GJ/FAXWEB.AL)
Discussion about this post