Avokati i Popullit, Igli Totozani, ka reaguar ditën e sotme lidhur me simbolikën e kësaj dite, 1 Majin që cilësohet Dita Botërore e Punëtorëve.
Ai shprehet se sot nuk është një ditë feste, por një ditë angazhimi për të kërkuar respektimin e të drejtave në punë. Ai rendit arsyet pse në këtë ditë nuk duhet të festohet, duke përmendur këtu punëtorët që vdesin në galeri nga kushtet skandaloze apo fëmijët në Bulqizë që për shkak të varfërisë mbledhin krom në mal.
“Sot nuk është një ditë feste por një ditë angazhimi. Angazhim për të kërkuar respektimin e të drejtave në punë. Punëtorë që vdesin në galeri nga kushtet skandaloze, fëmijët në Bulqizë që për shkak të varfërisë mbledhin krom në mal. Të ndalohet shfrytëzimi i të miturve në punë të vështira. Angazhim për të kërkuar respektimin e të drejtave në punë.
Autoritetet më shumë vëmendje për përmirësimin e kushteve. Ne jemi të gjithë të ndërgjegjshëm që kjo nuk është një ditë feste.”, është shprehur ndër të tjera Totozani.
(XH.A/SHUPLAKA)
