”Lista e kaluar ishte lista e gangsterëve, trafikantëve dhe të fortëve. Kjo e reja është e qullavecëve, leshkove dhe palluqeve”

Listat e partive politike me kandidatët për zgjedhjet e 18 qershorit kanë rezervuar brenda vetes mjaft surpriza. Emra të njohur, jo pak po pothuajse 20 prej tyre dhe deputetë janë lënë jashtë duke i zëvendësuar me emra më pak të njohur.

Për gazetarin Sokol Shameti kandidatët që marrin pjesë në këto zgjedhje e dinë fare mirë që do të kenë një peiudhë të shkurtër në pushtet.

‘’ Ata e dinë që do jenë deputetë për një kohë të shkurtër. Mirëpo ata i janë borxhlinj Kryetarit secili në mënyrën e vet, janë kreditorë të tij. Bash prandaj ata do të luftojnë më me egërsi se kushdo që këto zgjedhje që u dhanë shansin edhe atyre humbamenove, të jenë dikushi, të kenë vlerë sa më të madhe e t’i mbajnë sa më gjatë në kolltuk’’, shkruan ndër të tjera gazetari.

SHKRIMI I PLOTË:

Këta emrat anonimë në listat e PS-së ngjajnë me atë gjetjen brilante të sulltan Muratit kur rrethoi kalanë kyç të Sfetigradit. Sulltani solli ca reparte jeniçerësh, por kryesorët ishin një repart i ri, i çrregullt dhe pa emër. Ai përbëhej nga kreditorë, borxhlinj dhe të falimentuar. Po të merrnin kalanë, u faleshin borxhet. Jeniçerët luftonin nja dy orë dhe pastaj iknin të hanin pilaf. Këta të rinjtë, i gërryenin me thonj muret mbrojtëse. Këta edhe e morën kalanë.
Kështu janë edhe reparti i anonimëve në lista. Ata e dinë që do jenë deputetë për një kohë të shkurtër. Mirëpo ata i janë borxhlinj Kryetarit secili në mënyrën e vet, janë kreditorë të tij. Bash prandaj ata do të luftojnë më me egërsi se kushdo që këto zgjedhje që u dhanë shansin edhe atyre humbamenove, të jenë dikushi, të kenë vlerë sa më të madhe e t’i mbajnë sa më gjatë në kolltuk. Lista e kaluar ishte lista e jeniçerëve, gangsterëve, trafikantëve dhe të fortëve që u bënë nga badigardë dhe shoferë, direkt deputetë. Kjo e reja është lista e qullavecëve, leshkove, gomerëve dhe palluqeve që vijnë në Kuvend nga paradhomat, recepsionet dhe sekretaritë.
Ndërsa sa për ata ish-ët e dikurshëm që ranë nga fiku dhe tani luajnë teatrin formal të të mërziturve, largimi i tyre ka vlerë vetëm që kur të vijnë zgjedhjet e vërteta, ato realet për ta të thuhet: rikthehet filani. (E.K/SHUPLAKA)