Prokuroria për Krime të Rënda ka vendosur sot që të zgjasë edhe me 3 muaj hetimet për ish-drejtorin e Policisë së Vlorës, Jaeld Cela, i cili është në arrati. Ish-kryepolici i Vlorës është vënë nën akuzë për trafik droge në bashkëpunim, me grupin “Habilaj”.
Këta të fundit po gjykohen në Itali, ku janë arrestuar me sasi droge. Pak ditë më parë gjykata rrëzoi kërkesën e Jaeld Çelës i cili përmes avokatit të tij, kishte ankimuar zgjatjen e afateve hetimore.
Çela, dyshohet si garantor i grupit të “Habilajve” në trafikun e drogës. Prokuroria e akuzon se përmes 3 numrave të telefonit që ka mbajtur në përdorim, ka komunikuar me Florian Habilajn dhe Gentian Cekën, që është shoferi i ish ministrit të Brendshëm Saimir Tahiri.
Ish-zyrtari i policisë është shpallur në kërkim bazuar në një masë sigurie “arrest në burg” në mungesë në nëntor 2017.
Discussion about this post