Vendosja e taksës për mallrat serbë nga qeveria e Kosovës, si reagim ndaj përpjekjeve të Serbisë kundër njohjeve dhe anëtarësimeve në organizmat ndërkombëtarë, ka sejellë një mori reagimesh.
Mes këtyre reagimeve është edhe ai i ambasadës së SHBA-ve në Kosovë, me anë të ngarkuarës me punë në këtë ambasadë, Colleen Hyland.
Përmes një postimi në ‘Twitter’ Hyland shkruan se rritja e taksave ndaj Serbisë nënkupton rritje të tensioneve dhe rritje të dëmtimit të reputacionit të Kosovës. Hyland ka thënë se duhet normalizuar marrëdhëniet me Serbinë.
“Rritja e taksave për anëtarët e CEFTA-së – rritje e dhimbjes për qytetarët e Kosovës, rritje e tensioneve dhe rritje e dëmtimit të reputacionit të Kosovës. Udhëheqja strategjike, reagimet joemocionale, janë të nevojshme për të siguruar të ardhmen evropiane të Kosovës dhe një marrëdhënie të normalizuar me Serbinë”, shkruan Hyland.
(B.B/ Faxweb.al)
