1300 kontenierët me mbetje, të cilat dyshohen se kanë hyrë në Shqipëri por nuk kanë dalë asnjëherë nga vendi ynë drejt Maqedonisë janë çështja më e rëndësishme e këtyre ditëve. Fillimisht mediatike, publikuar nga mediet italiane, por sot me një hetim të nisur nga Prokuroria e Durrësit.
Pikërisht sot Ministria e Mjedisit bën publike autorizimet me mbetje jo të rrezikshme për tranzit në vendin tonë, pas kërkesës së Aleancës Kundër Importit të Plehrave.
”Asnjë autorizim me destinacion final Maqedoninë në 2016”, është konkluzioni i këtyre të dhënave.
PËRGJIGJA E PLOTË E MINISTRISË SË MJEDISIT KTHYER AKIP-it:
I nderuar z. Feruni,
Mbështetur në V.K.M. Nr. 641 datë 01.10.2014 “Për miratimin e rregullave për eksportin e mbetjeve dhe kalimin tranzit të mbetjeve jo të rrezikshme dhe mbetjeve inerte”, si dhe në kërkesën tuaj datë 03.03.2017 Nr. 1731 Prot. , ju bëjmë me dije se:
Ministria e Mjedisit në bazë të VKM të sipërcituar, pajis me autorizime tranziti subjektet private, që kërkojnë të tranzitojnë mbetje jo të rrezikshme, pasi tranzitimi i mbetjeve të rrezikshme është i ndaluar me Ligj Nr.10 463, datë 22.9.2011 “Për menaxhimin e integruar të mbetjeve”.
Gjatë viteve 2014 (nga dita e hyrjes në fuqi, si sipërcituar) deri në 31 Dhjetor 2016, nga Ministria e Mjedisit janë pajisur me autorizim për tranzitimin e mbetjeve jo të rrezikshme, subjektet si bashkëlidhur tabela.
Sa i përket pikës 2 të kërkesës suaj, pranë Ministrisë së Mjedisit nuk ekziston asnjë proçes administrativ për reklamim të humbjes së kontenierëve gjatë tranzitit ose mosrakordim i numrit të kontenierëve në hyrje me ato në dalje.
Për çdo informacion të mëtejshëm kërkuar, ngelemi në dispozicion të plotë. (V.G/SHUPLAKA)
[ngg_images source=”galleries” container_ids=”1277″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post