15-vjeçari në Elbasan humb drejtimin e makinës dhe përplaset me murin rrethues të një banese, plagoset 4-vjeçari

Dje një aksident i rëndë ka ndodhur në Elbasan. Prokuroria e Elbasanit ka nisur hetimet për një 15-vjeçar, pasi dyshohet se humbi kontrollin mbi drejtimin e automjetit dhe u përplas me murin e një banese, ku për pasojë mbeti i plagosur një 4 vjeçar. Ngjarja ka ndodhur ditën e djeshme, 9 korrik në lagjen “Dyli Haxhire”.

“Gjithashtu, referoi materialet në Prokurori për një 15-vjeçar, pasi ditën e djeshme, në lagjen “Dyli Haxhire”, dyshohet se ka humbur kontrollin mbi drejtimin e automjetit dhe automjeti është përplasur me murin rrethues të oborrit të banesës së shtetasit R. G. Nga zhvendosja e portës metalike të oborrit është dëmtuar fëmija 4 vjeç i shtetasit R. G., i cili ndodhet në kujdesin e mjekëve”, thuhet në njoftim.