“Unë personalisht mendoj se e gjithë kjo që pamë nga Lu-ja është një miza sene, është një teatër”. Kështu është shprehur Arian Çani në lidhje me deklaratat e forta të ambasadorit Donald Lu.
Mbrëmjen e djeshme Çani në studion e emisionit “360 gradë” në “Ora News” theksoi më tej se kjo që pamë është thjesht një teatër pasi sipas tij ambasadorët në Shqipëri janë më shumë alibi sesa faktorë.
“Unë personalisht mendoj se e gjitha kjo që pamë nga Lu-ja është një miza sene, është një teatër. Ambasadorët në Shqipëri janë më shumë alibi sesa faktorë. Po përgatitet terreni, që ca njerëz duhen futur brenda, duhen arrestuar. Unë e lexoj kështu për veten time. Pse kjo është politike e gjitha? Sepse në rast se kjo do të kishte vërtet vullnet për të pastruar qytetin dhe fshatrat nga të fortët që ecin me armë dhe makina luksoze, që droga është gjithandej vërdallë, duhet të goditeshin edhe të fortët që bëjnë karshillëk, duhet të bëhet preson te ata”, tha Çani.
Më tej Çani ka shtuar se Rama në të tilla raste i kërkon ndihmë amabasadorit që t’i jap një dorë.
“Këta njerëz kanë ndihmuar politikën, në zgjedhje. Atëherë si hiqen qafe këta njerëz. Ata do t’i kërkojnë llogari kryeministrit apo deputetëve: Ore po ne na fut brenda ti? Atëherë i pari i vendit për të qenë në rregull me të gjitha palët, sigurisht i thotë ambasadorit më jep një dorë. Dhe ju thotë këtyre: Ej se keni nga mua, e dëgjuat amerikanët e duan këtë punë”, ka shtuar Çani në deklaratën e tij.
Sjellim në vëmendje që pak ditë më parë Donald Lu deklaroi se në vend janë 20 familje që drejtojnë krimin dhe janë gjithsej 4 klane që veprojnë.
(J.V/Shuplaka)
Discussion about this post