Shumë njerëz mendojnë se mund të trajtojnë infeksionet urinare me vetëm një lëng boronice. Por kjo metodë funksionon vetëm në disa raste, kur infeksionet janë të lehta. Sipas ekpertëve për problemet me veshkat duhet që gjithmonë të konsultohemi meta dhe të mos përdorim shumë receta popullore.
“Infeksionet e veshkave shkaktohen nga një bakter që nis në fshikëzën e urinës si një infeksion i lehtë i traktit urinar, si infeksioni i fshikëzës”, thotë dr. Fara Bellows, urologe tek Qendra Mjekësore Wexner tek Universiteti Shtetëror i Ohajos, shkruan Shëndeti plus.
Dhe në komunitetin e mjekësisë, infeksionet e veshkave, të njohur si “pyelonefriti”, nuk neglizhohen asnjëherë.
“Nëse ky bakter vazhdon të përhapet, mund të shkaktojë infeksion të veshkave. Është një infeksion i rëndë i këtij organi, prandaj njerëzit duhet t’i kushtojnë vëmendje”, thotë urologu David Kaufman, në Parkun Qendror të Urologjisë në Nju Jork.
“Mos mendoni për asnjë moment se këta pacientë nuk janë të sëmurë. Nëse infeksionet e fshikëzës mund të shkaktojnë parehati, ato veshkave mund të jenë vdekjeprurëse”, shprehet ai.
Simptomat:
Infeksionet e fshikëzës zakonisht shkaktojnë një ndjesi djegieje kur urinoni, urinim të shpeshtë dhe në pak raste edhe gjak në urinë. Ndërsa infeksionet e veshkave mund të shkaktojnë dhimbje të shpinës, temperaturë, të dridhura, dhe simptomat e infeksionit të fshikëzës. Nëse lihen pa trajtuar, infeksionet e veshkave mund të përhapen në gjak, duke ju rrezikuar kështu jetën. Prandaj, mos u përpiqni të trajtoni vetë infeksionet e traktit urinar pa u konsultuar më pakë me mjekun. Ju vetëm do ta përkeqësoni gjendjen dhe do të vendosni veten në rrezik nga infeksioni i veshkave. (J.V/Shuplaka)
