Një shqiptar është arrestuar ditën e djeshme në Leçe të Italisë pasi mbante me vete një sasi droge me qëllim trafikimin. Ai është Elios Faksu 41 vjeç.
Gjatë një shërbimi për kontrollin e territorit, efektivët e policisë italiane kanë vënë re një makinë që lëvizte me drita të fikura.
Ata vendosën të ndalonin makinën “Focus Ford”, nën drejtimin e së cilit ishte Faksu, me precedentë të shumtë penalë.
Gjatë kontrollit në automjet, u zbulua një sasi heroine. Konkretisht, janë gjetur 5 paketime të mbështjella me celofan, brenda të cilave kishte 2.6 kg heroinë në total, me një vlerë rreth 30 mijë euro, raportojnë mediat lokale. (E.K/SHUPLAKA)
Discussion about this post