Qendra shëndetësore Karavasta e Re në njësinë administrative Remas, Bashkia Divjake, ndodhet në kushte tepër të amortizuara dhe jashtë cdo standarti për të ofruar shërbim për qytetarët. Në këtë qendër aktualisht punon një staf i përbërë nga 1 mjek dhe tre infermierë.
Ata ofrojnë shërbim për 3000 banorë të 5 fshatrave. Nga informacioni i marrë prej tyre kjo qendër është pa investim prej 30 vitesh ndërkohë që përpjekjet e stafit për tua bërë të ditur këtë situatë institucioneve përgjegjëse nuk kanë munguar por që deri më sot kanë qenë pa rezultate konkrete.
Pushteti lokal dhe Dshp ia hedhin përgjegjësine njeri – tjetrit dhe situata vijon të mbetet e pandryshueshme.
Lagështia dhe myku janë prezent në gjithë godinën ndërkohë që vizitat edhe në këto kushte vijojne pa ndërprerë në cdo ditë të javës.
Tepër të indinjuar banorët e zonës pohojnë se qendra shëndetësore është një haur i vërtetë si në ambientet e brendshme ashtu dhe në ato të jashtme teksa theksojne se ky fshat që dikur ka qenë me shumë të internuar, vijon të mbetet i tille, në harresë të plotë dhe në mëshirë të fatit.
“Jo nuk është normale po ca të bëjmë ne. shteti nuk punon për ne. Ajo duke me sy. Kështu ka qenë cdo lloj standardi. Lagështirë, errësirë, uji i soletës siper hyn poshtë. Nuk ke pse flet se duket. I takon shtetit ta bëjë. Janë më shume se 3 mijë banorë. Shteti të vendos dorë në institucionet e tij.
Bridh në të gjithë këto fshatra, një farmaci, të shkojnë në Lushnje. Ca më duhet ambulanca. Aty rrin nja 4 a 5. Ne sa na hyn në punë një farmaci nuk na hyn në punë ambulanca. Ku ta marr ilacin. Ne jemi vendas këtu.
Jam banore e ketij fshati. Doktori nuk na ka munguar por gjendja është skandaloze, nuk ka nevojë për koment shumë. Pa asnjë farë rregulli dhe pastërti. Ky popull kështu ka jetuar prej vitesh. Ka qenë një fshat me shumë të internuar. Në Mëshirë të fatit është ky vend. Për fushatë kujtohen për këtë vend”– janë shprehur banorët për Faxnews.
Discussion about this post