Në Skrapar janë kapur nga policia 325 kilogramë hashash. Kjo sasi droge u gjet brenda një magazine e ndarë në 17 thasë. Në policia janë arrestuar 5 persona të zonës dhe kanë filluar hetimin për disa prej tyre por nuk bëhen të ditura identitet e tyte.
“Në fshatin Potom, në vendin e quajtur “Xhamia e vjetër”, u gjetën brenda një magazine (ish rezervat) 17 thasë me peshë 325 kg lëndë narkotike e dyshuar Cannabis Sattiva. Strukturat e Policisë Berat kanë shoqëruar 5 banorë të zonës dhe kanë filluar hetimin për disa prej tyre, por për shkak të ruajtjes së veprimeve hetimore nuk bëhen të ditur gjeneralitetet e tyre. Vijon puna në bashkëpunim me Prokurorinë e Rrethit Gjyqësor Berat për dokumentimin e plotë të kësaj ngjarje. Materialet hetimore i kaluan Prokurorisë së Rrethit Gjyqësor Berat për veprime të mëtejshme.”, njofton policia.
Po kështu janë sekustruar nga policia edhe 284 gramë lëndë narkotike e dyshuar “Cannabis Sativa” dhe 150 gr fara të dyshuara me ato të bimës “Cannabis Sativa” në Elbasan. Është arrestuar nga policia një 27-vjeçar.
DETAJE:
Specialistët e Seksionit Kundër Narkotikëve, në Drejtorinë Vendore të Policisë Elbasan, mbi bazën e informacioneve të marra në rrugë operative bënë arrestimin në flagrancë të shtetasit:
A.H, 27 vjeç banues në fshatin Vllazrim, Njësia Administrative Xhafzotaj Shijak.
Arrestimi i tij, u bë pasi, në rrugën “Thoma Kalefi” është konstatuar me një qese në dorë, brënda së cilës kishte dy qese të tjera dhe gjatë kontrollit të ushtruar nga efektivat e policisë rezultoi se
Njëra prej qeseve kishte lëndë narkotike të dyshuar “Cannabis Sativa” me peshë 284 gr. Qesja tjetër kishte fara të dyshuara me ato të bimës “Cannabis Sativa” me peshë 150 gr.
(J.V/Shuplaka)
