Ka degjeneruar debati në orët e vona të punimeve të Kuvendit mesnatën e djeshme.
Shkak për këtë është bërë fillimisht një deklaratë e Ramës që eitketonte opozitën si një ‘’opozitë që i vinte goja erë qepe”. Po nuk ka vonuar përgjigja e menjëhershme e kreut të PD-së Lulzim Basha.
Ai i kujtoi Ramës periudhën kur zyra e tij në Bashki vinte një erë të rëndë. Basha tregoi se kur ai e pasoi Ramën në krye të Bashkisë zyra qelbej, ndërsa vetë ai shpresonte që të ishte prej jashtëqitjes së breshkave.
Ndërsa kryeministri Rama pas këtyre deklarimeve ndërhyn, po që nuk mund të dëgjohet në video se çfarë thotë.
Basha: “Treçerekun e kohës ke folur si kryetar Bashkie. Ke ngelur kryetar Bashkie, s’u berë dot kryeministër. Bile kryetar komunalje. The që ne qenkemi partia e pisllëkut. E mban mend atë gropën e pisllëkut që e gjete dhe e le derisa e mbusha unë, që quhej gropa e Ajdin Sejdisë? Qelbeshte e gjithë Tirana, por jo aq shumë sa zyra jote. Thonin që ishte jashtëshqitja e breshkave, shpresoj të ishte vetëm ajo. Kështu që le të mos flasim… (ndërhyn Rama, por nuk dëgjohet).
Kemi dëshmitarë këtu. Kemi dëshmitarë nga të dyja krahët, apo nuk është këtu ai zëvendësi yt.
(flet sërish Rama, por nuk dëgjohet në sallë)
Po mirë atëherë, s’paska qenë ajo. Akoma më keq. Ti ke guximin t’i thuash vendit tënd “opozita e pisllëkut”. Dhe kush, ti! Unë s’jam marrë me akuzat që të janë hedhur në drejtim të higjenës personale dhe as kam ndër mend të merrem. Unë kam kulturën time, formatin tim, formimin tim. Vëri pak një gjë gojës përpara kur ta akuzosh opozitë, se ne jemi opozita e pastrimit
. Dhe falë nesh dhe instiktit tënd të palodhshëm për të emuluar atë që e dëshiron dhe s’e kap dot kurrë, je pastruar edhe ti edhe PS në kuptimin e këmishave, kravatave e gjërave të tjera. Të paktën kjo pjesë, se pjesën tjetër e di vetë ti ku e ke futur. E ke zhytur në honet më të pista të krimit, të drogës…. Ah, po. Ke një gjë të madhe, një pastrim të madh në Partinë Socialistë, që është: Pastrimi i Parave”.
(E.K/SHUPLAKA)
Discussion about this post