Të paktën 334 persona janë vënë në pranga nga autoritetet në Itali, gjatë një aksioni ku janë goditur anëtarë të Ndraghetës, politikanë, sipërmarrës, avokatë dhe ekonomistë.
Numri i të dyshuarve që kanë qenë pjesë e këtij grupi dyshohet të jetë 416 persona, ndërsa ooeracioni është shtrirë brenda dhe jashtë Italisë.
Kontrollet dhe arrestimet janë kryer në Lombardia, Piedmont, Veneto, Liguria, Emilia Romagna, Tuscany, Lazio, Sicily, Puglia, Campania, Basilicata, etj.
Disa të dyshuar u gjetën dhe u arrestuan në Gjermani, Zvicër dhe Bullgari në bashkëpunim me forcat e policisë lokale dhe në ekzekutimin e një urdhri të arrestit evropian lëshuar nga autoriteti gjyqësor i Catanzaro.
Detajet e operacionit do të bëhen me dije gjatë një konference për shtyp që do të zhvillohet në orën 11 të paradites së sotme në Prokurorinë Publike të Catanzaro në të cilën do të marrin pjesë avokati i Catanzaro Nicola Gratteri, komandanti i Ros Pasquale Angelosanto dhe komandanti i Legjionit të Karabinierëve Calabria Andrea Paterna.
Mes personave që janë vënë në pranga është dhe kryetari i Komunës së Pizzos, Gianlica Vallipo, ndërkohë që një tjetër figurë me peshë që është arrestuar është Giancarlo Pittelli, një avokat i njohur në Catanzaro, me një të kaluar në politikë.
Pittelli ka qenë një anëtar i Forza Italia, një ish anëtar i Komisionit të Drejtësisë së Dhomës dhe koordinator rajonal i partisë së Berluskonit.
Në operacion morën pjesë 2.500 oficerë policie nga Ros dhe komandantët krahinorë, të mbështetur nga njësitë e GIS, regjimenti i parashutistëve dhe Gjuetarët e Kalabrese të Kalabrisë.
Akuzat që rëndojnë mbi këtë grup janë disa: shoqata kriminale e llojit mafioz, vrasje, zhvatje, uzurpim, titull fiktiv i mallrave, riciklim, ndërsa janë sekuestruar dhe 15 milionë euro pasuri.
(E.K/Faxweb.al)
Discussion about this post