6-vite pa qenë në Kuvend, ç’tha Basha pas mbylljes së seancës

Kreu i PD-së Lulzim Basha rikthehet në Kuvend pas 6-vitesh mungesë. Kjo pasi që nga viti 2011 Basha mbajti kreun e Bashkisë së Tiranës.

Kjo ishte një më shumë një seancë ceremonike, pasi vetëm pasdite Kuvendi do të mblidhet për të votuar për kryetarin e ri.

Pavarësisht se rregullorja nuk parashikon diskutime në seancën e zgjedhjes së Kryetarit, Basha tha se qëndrimin e tij do ta mësonim pasdite, duke nënkuptuar se do të marrë fjalën në seancë. 

“Do të presim seancën e pasdites. Ishte një ritual ceremonial i seancës. Kam 6 vite që nuk jam pjesë e sallës”, u shpreh Basha para kamerave.

Ndërkohë që zgjedhja e Ruçit nuk pritet të ketë surpriza pasi PS-ja i ka të gjitha numrat që i duhen për votimin.

Po cila është procedura e zgjedhjes së Kryetarit të Kuvendit:

Kandidati për Kryetar të Kuvendit propozohet nga të paktën 15 deputetë. Një deputet nuk mund të mbështesë më shumë se një kandidat. Propozimi bëhet me shkrim, përmban nënshkrimet përkatëse dhe paraqitet në Sekretarinë e Përkohshme të Kuvendit.

Kryetari i Kuvendit zgjidhet pa debat dhe me votim të fshehtë, me shumicën e votave, në prani të më shumë se gjysmës së të gjithë anëtarëve të Kuvendit. Në rast se asnjë nga kandidatët nuk ka fituar shumicën e kërkuar, vijohet me një raund të dytë, ku votohet për dy kandidaturat që kanë marrë më shumë vota.

Votimi organizohet publikisht dhe drejtohet nga një komision votimi, i përbërë prej 5 deputetësh, që pasqyron, për aq sa është e mundur, përbërjen politike të Kuvendit. Anëtari më i vjetër në moshë kryen edhe detyrën e kryetarit të komisionit të votimit dhe shpall rezultatin e votimit. 4. Drejtuesi i seancës fton menjëherë Kryetarin e Kuvendit të zërë vendin e tij

(E.K/SHUPLAKA)