9 kilogramë janë gjetur dhe sekuestruar brenda banesës së një shtetasi banues në fshatin Grusë e Re dhe 81 kilogramë në banesën e një tjetër shtetasi banes në fshatin Xhan. Gjatë kontrollit të ushtruar, u gjetën dhe sekuestruan edhe armë.
Është kryer arrestimi i shtetasve: Pjeter Çakaj, 54 vjeç dhe Mirash Mali, 51 vjeç. Materialet për këto raste i janë kaluar Prokurorisë së Shkodrës.
Detaje të Policisë së Shkodrës:
Finalizohet me sukses operacioni i koduar “ALAVANA”. Arrestohen në flagrancë 2 shtetas. Sekuestrohen 90 kg lëndë narkotike e dyshuar Cannabis Sattiva dhe 1 armë zjarri.
Nga shërbimet D.V.P.Shkodër, në bashkëpunim me Komisariatin e Policisë Shkodër në bazë të informacioneve të marra në rrugë operative, si dhe bazuar në planin e veprimit për parandalimin e kultivimit të bimëve narkotike, u finalizua me sukses operacioni policor i koduar “Alavana”, ku u bë e mundur arrestimi në flagrancë i dy shtetasve si më poshtë:
Pjeter Çakaj, 54 vjeç, banues në fshatin Grudë e Re, Njësia Administrative Rrethina, Shkodër, për veprat penale ”Prodhim e shitje të lëndëve narkotike” dhe ” Prodhimi dhe mbajtja pa leje e armëve luftarake dhe e municionit“ parashikuar nga neni 283 dhe 278 i Kodit Penal,
Mirash Mali, 51 vjeç, banues në fshatin Xhan, Njësia Administrative Pult, Shkodër, për veprën penale ”Prodhim e shitje të lëndëve narkotike” parashikuar nga neni 283 i Kodit Penal.
Arrestimi i këtyre shtetasve u bë pasi gjatë kontrrolleve të ushtruara në banesën e shtetasit Pjeter Çakaj, në vendin e quajtur Alavana, fshati Xhan, Njësia Administrative Pult, Shkodër, u gjetën dhe u sekuestruan në cilësinë e provës materiale 9 kg lëndë narkotike e llojit Cannabis Sattiva, dhe një armë zjarri tip pushkë 20-she, me një krëhër me 20 fishekë.
Gjithashtu gjatë kontrrolleve të ushtruara në afërsi të banesës së shtetasit Mirash Mali, në vendin e quajtur Tebreg, fshati Xhan, u gjet dhe u sekuestrua në cilësinë e provës materiale 81 kg lëndë narkotike e llojit Cannabis Sattiva. Materialet i kaluan Prokurorisë së Rrethit Gjyqësor Shkodër për veprime të metejshme.
(XH.A/SHUPLAKA)
[ngg_images source=”galleries” container_ids=”1784″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
