Një tjetër sipërfaqe pyjore në jug të vendit është përfshirë nga flakët e zjarrit. Gazetarja e Fax News, Afrovita Hysaj raporton se zjarri ka rënë në malin e Bratit në Vlorë, ndërsa është i përmasave të mëdha.
Pranë vatrave të zjarreve ka edhe stane me bagëti të cilat rrezikojnë nga flakët. Ndërkohë, në bazë të raportimeve të banorëve të zonës, asnjë ndërhyrje nga zjarrfikësja e Selenicës nuk është bërë.
Banorët denoncojnë se nuk është askush të kujdeset për shuarjen e zjarrit, pavarësisht se zjarrfikësja është lajmëruar por ende asnjë ndërhyrje.
Zjarri në malin midis fshatit Lepenicë dhe Brataj të Selenicës.
(F.GJ/FAXWEB.AL)
