Policia raportoi disa ditë më parë se nusja kishte dhùnuar vjehrrin e saj në Lezhë, por duket se situata është krejt ndryshe. Nusja Valentina Lezaj ka zgjedhur të flasë për mediat duke treguar variantin e saj të ngjarjes.
Sipas saj vjehrri i saj është një dhùnues sistematik në familje që ka ngritur dorë edhe ndaj saj, dhe se prej vitesh dhùnon të shoqen.
Ajo thotë se mes tyre ka pasur një konfrontim, por ai më pas ka lënë shenja mbi veten në mënyrë që të ngrejë padi ndaj saj, ndërsa shprehet se të njëjtën gjë ka bërë më parë edhe me djalin e tij.
“Ai më ka futur duart në fyt dhe unë e kam shtyrë. Kur kam shkuar te policia, vjehrri im ishte gërvishtur më shumë. Kur e kam denoncuar herën tjetër desh me fut burrin në fyt. Unë e bëra pak se unë i kam thonjtë, por ai është bërë më shumë. Është shoqëri maskiliste. Unë të them të vërtetën. Vjehrra ime është dhùnuar disa herë edhe në sytë e fëmijëve të mi”, thotë ajo për gazetarin Enkel Demi.
Ndërsa vetë vjehrra, e mbështet variantin e nuses duke akuzuar të shoqin për dhùnë në familje.
“Kjo ngjarje ka ndodhur vetëm prej atij. Ishim te puna. Nuk i ka pas faj as djali as nusja. Ai e ka fajin. Këto kanë qenë te puna”, thotë vjehrra.
Një mesazh nusja e ka edhe për gratë dhe vajzat e tjera të dhùnuara, në mënyrë që të denoncojnë rastet e ngjashme që nesër të mos kthehen në viktima.
“Desha të bëj edhe një thirrje për të gjitha gratë, jemi në përgjegjësi të paarsimuara. Edhe unë jam martuar 16-vjeçe dhe gjithmonë ka qenë ajo ideja që gruaja duhet të jetë e përulur. Por nuk është turp me denoncuar dikë. Sepse nesër prej një njeriu të zakonshëm mund të kthehesh në viktimë. Këtu pa vdekur nuk ta jep kush të drejtën”, përfundon nusja.
