Mblidhet në selinë blu Komisioni i Rithemelimit, ja çfarë pritet të diskutohet

Ka nisur mbledhja e ‘Komisionit të Rithemelimit’ në selinë blu.

Në seli ka mbërritur dhe ish-kryeministri Sali Berisha dhe një numër i konsiderueshëm deputetësh.

Një ditë më parë u zhvillua mbledhja e grupit parlamentar të PD, ku deputetë kanë dalë me propozime të ndërmjetme duke i kërkuar të dyja palëve të bëjnë hapa pas për të arritur bashkimin e partisë.

Ish-kryeministri Sali Berisha ka deklaruar se nuk e njeh Enkelejd Alibeajn si kryetar të Grupit Parlamentar të PD, e nga ana tjetër ky i fundit u tregua Ii prerë për të mos hequr dorë nga ankimimi në gjykatë lidhur me vendimin që njeh ‘Rithemelimin’ si organ drejtues të Partisë Demokratike.