Video/ Shpërthim i fuqishëm në klubin e njohur në Tiranë, po performonte Ledri, tmerrohen klientët. Dalin me shpejtësi në rrugë

Një prag tragjedie ka ndodhur mbrëmjen e djeshme në kryeqytet, ku ka pasur një shpërthim të fuqishëm në brendësi të një klubi të njohur, Magic 4, ku ishte duke performuar këngëtari nga Kosova, Ledri Vula.

Burime bëjnë me dije se ka pasur një shpërthim të një kabine elektrike, i cili ka qenë mjaft i fuqishëm, dhe ka detyruar të gjithë klientët që të dalin jashtë ambienteve të lokalit, por edhe nga bizneset përrreth.

Në afërsi të kabinës kanë qenë 3 bombula gazi të cilat fatmirësisht nuk kanë pasur dëme, pasi përmasa e ngjarjes mund të ishte mjaft e rëndë.

Për rastin nuk ka pasur asnjë njoftim nga policia e Tiranës apo ekipet e zjarrfikëses, pavarësisht se makina të shumta janë parë mbrëmjen e djeshme në afërsi të klubit, për të vënë nën kontroll situatën.

Siç shihet dhe nga pamjet e siguruara nga Fax News, në zonë është krijuar panik, si dhe është ndërprerë energjia elektrike për disa minuta.

Fatmirësisht nuk raportohen për persona të lënduar, pavarësisht se e gjithë zona u pushtua nga tymi. Shumë prej të rinjve u larguan prej aty, duke mos u kthyer, për shkak të momenteve të panikut që përjetuan.

Faxweb.al