Dalin detaje të reja nga operacioni i krimit ekonomik, mes të arrestuarve edhe drejtori i varrezave në Tufinë, merrte 500 mijë lekë për një vend

Zbardhen detaje të reja nga aksioni i madh që po zhvillohet në Tiranë nga Prokuroria dhe Krimi Ekomomik, ku deri më tani janë ekzekutuar 8 arreste, mes të cilëve edhe zyrtarë.

Burimet bëjne me dije se mes të ndaluarve është edhe një drejtor në Bashkinë e Tiranës, me inicialet E. N. Aksioni po zhvillohet për veprat penale “korrupsion” dhe “shpërdorim detyre”, ndërsa është duke vijuar edhe në këto momente.

Operacioni po zhvillohet në bazë të një procedimi të nisur nga krimi Ekonomik i Policisë Tiranë, për Drejtorinë e Varrezave në Tufinë. Sipas informacioneve, janë arrestuar drejtori i varrezave, dy janë në kërkim e dy në gjendje të lirë. Këta kërkojnë 500 mijë lekë të vjetra për një vend në varreza.