Në konferencën që Sali Berisha zhvilloi me shqipatët në Londër, pasi u ndal te problemet që janë në Shqipëri dhe arsyet e këtyre problemeve që ai i lidh me Ramën, vazhdoi të sqarojë se si u bë shpallja “non grata” nga Yuri Kim. Berisha e akuzon atë, se ka bashkëpunuar me Ramën, me qëllimin të dëmtojë opozitë shqiptare, duke ia lënë vendin në dorë kryeministrit shton Berisha.
Gjithashtu ai paraqet dhe tre argumentet që iu thanë Kim-it pas këtij vendimi nga Anthony Blinken. Sipas Berishës, zyrtarët që Kim u ka kërkuar t’i bashkohen këtij vendimi, i janë përgjigjur që ky vendim është antiligjor dhe është marrë në interes të Ramës. Më tej Berisha ndalet dhe te amabasadori i Britanisë së Madhe, i cili paska bërë të njëjtën veprimtari korruptive në Angli, ku ka patur si synim dëmtimin e Berishës.
Berisha: “Në këtë shkallë korrupsioni është dhe Yuri Kim. Korrupsionin e saj e kam denoncuar me keqardhje të thellë, se nuk më vjen mirë që të atakoj kështu përfaqësuesin e SHBA-së. E bëj këtë sepse kjo së bashku më Edi Rama ka shkelmuar kushtetutën e Shqipërisë, ka shkelur çdo ligj për të mbajtur në pushtet Edi Ramën.
Pa asnjë fakt, Anthony Blinken më shpalli non grata, zonja në fjalë u kërkoi zyrtarëve të tjerë të solidarizohen po mori një jo të thatë, jo vetëm aq po dhe shkaqet, ku së pari diplomatët i thanë asaj që nuk na keni pyetur dhe nuk keni prova dhe së fundmi e keni marr këtë vendim për të ndihmuar Ramën që ta lëjë vendin pa opozitë.
Po nga të njëjtat pozita, me të njëjtën mënyrë, veproi dhe ambasadori i BM, edhe ky është një lloj Mc Gonigali që ka mashtruar qeverinë e Madhërisë së tij, në çdo gjë që i ka treguar për mua. Do t’i bëjë publike trillimet e ulëta, po BM është shtet ligjor dhe unë kam besim të madh te drejtësia e vendit ku jeni ju. Ky diplomat i korruptuar vazhdon të mashtrojë qeverinë e vetë se unë gjoja sulmoj qeverinë e madhërisë, gjë që nuk e kam bërë.
Pas shpalljes nongrata dhe vendimit të Lulzim-Bravës për largimin tim ky u angazhua, fshehtas thërriste një nga një deputetët e Rithemelimit t’i kthente kundër meje. Përpiqej me çdo kusht që opozita shqiptare mos të ishte një opozitë e vërtetë.”
Discussion about this post