Shefi i EULEX-it, Lars-Gunnar Wigemark, është takuar me shefen e Operacioneve Aktuale të NATO-s, Ariella Viehe, me të cilën ka biseduar për situatën e sigurisë në Kosovë.
Kështu ka bërë të ditur Wigemark përmes një postimi në Twitter, ku ka përmendur tensionet në veri të vendit si dhe zgjedhjet që pritet të mbahen në katër komunat veriore.
“Një diskutim i shkëlqyeshëm me shefen e Operacioneve Aktuale të NATO’s, Ariella Viehe, për situatën e sigurisë në Kosovë pas krizës së vitit të kaluar dhe në hijen e zgjedhjeve komunale në 4 komunat veriore”, ka shkruar shefi i EULEX-it.
Ai gjithashtu kanë thënë se diskutuar edhe për bashkëpunimin e ngushtë mes EULEX-it dhe KFOR-it.
Zgjedhjet e jashtëzakonshme për kryetarët e Mitrovicës së Veriut, Leposaviqit, Zveçanit dhe Zubin Potokut, janë shpallur për 23 prill, pasi kryetarët e Listës Serbe kanë dhënë dorëheqje për shkak të vendimit të Qeverisë së Kosovës për zbatimin e procesit të riregjistrimit të automjeteve nga targat serbe në targa të Kosovës.
A great discussion w/ @NATO‘s Head of Current Operations, Ariella Viehe, about the security situation in #Kosovo following last year’s crisis & in light of the municipal elections in the 4 northern municipalities. We also discussed the close cooperation btw #EULEX & @NATO_KFOR. pic.twitter.com/MczGgKuutu
— Lars-Gunnar Wigemark (@LarsGWigemark) March 28, 2023
Discussion about this post