Humb kontrollin e mjetit dhe del nga rruga, drejtuesi nën kujdesin e mjekëve

Një tjetër aksident u shënua mbrëmjen e sotme në aksin Tiranë-Durrës, ku shtetasi A.Xh ka humbur kontrollin e mjetit dhe si pasojë ka dalë nga rruga. Drejtuesi i mjetit është tashmë nën kujdesin e mjekëve pasi ka pasur dëmtime.

Durrës/Informacion paraprak

Rreth orës 19:50, në autostradën Tiranë-Durrës, në Sukth, shtetasi A. Xh., duke drejtuar automjetin ka humbur kontrollin mbi drejtimin e automjetit dhe për pasojë automjeti ka dalë nga rruga.

Shtetasi A. Xh. është dëmtuar dhe ndodhet në spital në kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të aksidentit.