I ftuar ditën e sotme në emisionin ‘ME XHAXHIUN’ ishte analisti Nexhmedin Spahiu, i cili u ndal të analizonte situatën e tensionuar në veri të Kosovës, po edhe të jap një interpretim më të qartë të qëndrimeve që kanë mbajtur ndërkombëtarët.
Fillimisht ai foli rreth faktit se çfarë ka dashur të thotë në një koment të tijin ku është shprehur se kjo që po ndodh në Veri është një pavarësi e dytë. Spahiu e krahasoi këtë ngjarje edhe me luftën Vlorës në Shqipëri, ku theksoi se vente të tilla historike i japin drejtim diplomacisë së një kombi.
“Kjo është beteja vendimtare për atë se çka do të jetë shteti i ardhshëm i Kosovës. Unë e kam krahasuar me luftën Vlorës, e cila ishte dhe lufta më e ndritshme që dhe krijoi shtetin shqiptar. Tani Kosova ndodhet po në të njëjtën situatë dhe kjo për garancinë do të thotë se e tejkalon edhe luftën Kosovës, momentalisht është rezultat i mirë për të pasi ngriti flamurin për këto komuna por çështja është sa do të zgjasë kjo gjë. Unë e konsiderojë si një ndeshje boksi me 15 raunde, po në këtë rast nuk janë 2 muaj. Tensionet kanë ardhur si pasojë e provokimeve të shumta serbe. Zyrtarë të Kosovës menduan se KFOR-i do ta zgjidhte shumë shpejt këtë gjë, ku kujtoj se 15 agjentë të tyre kanë humbur jetën gjatë tensioneve në Veri. Situata fillimisht u paraqit jashtëzakonisht shumë e tensionuar, ndaj dhe Kurti reagoi shpejt”, tha Spahiu.
Më tej, analisti u ndal të komentonte edhe për qëndrimin e Serbisë zyrtare gjatë këtyre ngjarjeve, ku u shpreh se në vend që vendi të sillej sa më diplomatik, iu kthyer ‘zanatit të vjetër’ duke sulmuar dhe nxitur konflikt si fizik me qytetarët dhe policinë e KFOR-in, ashtu edhe diplomatik. Më tej ai përgëzoi edhe ndërhyrjen e KFOR-it ku dhe e konsideroi thelbësore për neutralizimin e tensioneve shkaktuar nga qytetarët serb.
“Suksesi i një lëvizje me rrezikshmëri të lartë, sjell rezultate profesionalisht të larat. Tani mbetet për t’u parë. Ne dje pamë një përleshje mes forcave speciale të serbisë të ardhur në Kosovë dhe të maskuari civilë, duke marrë peng edhe disa nga qytetarët e veriut, në përpjekje për të sulmuar policinë e Kosovës përfunduan duke u përleshur me KFOR-in. Gjatë përleshjes pati të lënduar dhe të palosur nga të dyja palët. Në ditët në vijim KFOR-i mund të mos qëndrojë në mes dhe policisë së Kosovës do t’i duhet të përballet e vetme me forcat speciale të serbisë të maskuar si civil”, shtoi Spahiu.
Sakaq, Spahiu komentoi gjithashtu efektet e ndikimit mbivlerësues që Kosova ka pasur ndaj Serbisë, si edhe reagimit të Kurtit lidhur me këto incidente.
“Natyrisht që e ka dëmtuar rëndë. Nëse do të ishim më të vëmendshëm lidershipi i Kosovës në 1999, nuk do të ekzistonte fare problemi i Kosovës. Shanset kanë qenë të vazhdueshme por lidershipi i Kosovës e ka humbur, dhe nuk ka pasur kohë të merrej me gjëra që kanë kërkuar një organizim të larë shtetëror. Qeveria e Albin Kurtit që kur ka ardhur në pushtet, është përqendruar në veriun e Kosovës, dhe është edhe e vetmja gjë pozitive që qeveria e tij ka bërë që kur ka ardhur në pushtet”, përfundoi ai.
Discussion about this post