Asambleja Kombëtare e Partisë Socialiste është pritur prej ditësh, duke patur në mendje fjalët e Kryeministrit Rama se në 4 shtator do të bëhen ndryshime të mëdha në qeveri, gjë të cilën e konfirmoi dhe pak para se të fillonte Asambleja.
Ende pa filluar me emra konkretë, Kryeministri Rama shihet se ka filluar të djersijë.
Kryeministri Edi Rama ka folur për përgjegjësinë morale që mund të ketë në lidhje me personat që kanë mbajtur poste të larta në qeveri, e sot gjenden pas hekurave apo nën hetim nga ana e SPAK.
Rama tha se ai nuk skuqet dhe as nuk kërkon falje për të gjithë ata që kanë bërë korrupsion, duke shfrytëzuar dhe keqpërdorur besimin që i është dhënë nga Partia Socialiste.
Në fjalën e tij, Kryeministri i ka kushtuar disa minuta sektorit të turizmit. Prej kohësh ai ka nënvizuar termin “turizëm elitar”, megjithatë në Asamble Rama u shpreh për “turizmin në nivel të ulët dhe mesatar”, për të cilin thotë se nuk do të jetë burimi i vetëm i të ardhurave për këtë sektor.
(Xh.H/FaxWeb.al)
Discussion about this post